föstudagur, 5. desember 2008


Meistarinn og múrarinn, múrsteinar og múraðir múrmeistarar sem hljóta að vilja eitthvað meira, en samt ekki.

fimmtudagur, 23. október 2008



Þeir munu innan tjah svona, þriggja mínútna hlaupa, ganga og skokka út frá þeim sjálfum síðan þeir fóru út frá hinum og þessum þessum og þessum sem enginn man hvað heitir frá okkar eigin sjónarmiði sem ég veit ekki hvað heitir af því að ég sé ekki á skjáinn og það er geðveikt.

laugardagur, 27. september 2008




Sigrandi siguvegarar frá signum ám í anda signu þar sem hann hljóp, hljóp og hljóp láta ekki undan þrýstingi, frekar en seinni daginn.

þriðjudagur, 23. september 2008




Réttlætiskrakkar í krakkaleikjum barnabarnabarnabarna sinna leika sér ekki ein, þrátt fyrir mótlætið.

sunnudagur, 7. september 2008



Gremjandi grenjandi gremjufarar og farandstjórar framtíðarinnar sameinast ekki bara um hátíðleg heimildahöld heldur líka frávísunarkenningar.

sunnudagur, 31. ágúst 2008




Að redda hlutunum getur oft orsakað reddanir sem reddast ekki af sjálfum sér, þrátt fyrir ljómandi hugmyndir.

mánudagur, 25. ágúst 2008



Núningsmenn sem snúa núning upp í lúkurnar á sjálfum sér falla yfirleitt í gildru án sársauka nema þegar þeir falla hart.

miðvikudagur, 13. ágúst 2008




Lúmskt ljómandi landsfeður og synir eru hálfdrættingar í samanburði við ljómandi landskonur og dætur, nema þegar þeir loka snemma og rækta sál að viti.

sunnudagur, 3. ágúst 2008



...og innantóm hlaup snúa ekki um innantómar hugsanir heldur tómhentar hendur með handartvisti og hlaupahlaup

miðvikudagur, 16. júlí 2008



Menn undan fjöllum láta ekki betur en þeir sem skríða undan sjó í þyngslum með snjó og skapleika hunds á herðum sér.

þriðjudagur, 15. júlí 2008



Ranghugmyndir með röngum áherslum en réttu innihaldi skapa ánægju en útúrdúrinn skapar rétta andrúmsloftið.

mánudagur, 14. júlí 2008



Þegar menn labba í gegnum skuggalínur og gá ekki að sér þá eiga þeir á hættu að lenda í hremmingum og svertu, launalega séð og sálarlega séð.

sunnudagur, 13. júlí 2008

It is what

Það er það sem það er nema þegar það breytist án fyrirvara og ásetnings.

mánudagur, 7. júlí 2008

Photo + Spakeitthvað..



Flennistórar hendur með handakrikum sem stækka, stækka og stækka lenda ekki aðeins oftar í miklu veseni vegna stærðar heldur fá einnig á sig stækkunarstimpil.

fimmtudagur, 3. júlí 2008

Í dag er hressleikinn í fyrirrúmi með músík, fótógrafí og spakmæli.




Nútímafólk á nútímahjólum í nútímatíma nýta tíman fjandi vel, svo lengi sem vel gengur.

http://youtube.com/watch?v=yH-LnR_ziN0

miðvikudagur, 2. júlí 2008

Spakmæli, lag og mynd dagsins.



Úrvalsferðir með útsýniskonum sem ganga út, aftur og fram með sína menn eru hættulega skemmtilegir.

http://youtube.com/watch?v=OG3PnQ3tgzY

þriðjudagur, 1. júlí 2008

Tvær myndir í dag og eitt spakmæli.





Leyfis menn sem ganga um götur í fötum með fötum fá aldrei nóg af samveru sinna manna með öðrum eða jafnvel engum.

mánudagur, 30. júní 2008

Spakmæli og mynd dagsins



Að labba úr sér allan vind er gott fyrir sálina, sama hvað á tekur og frjálshyggju menn hafa um málið að segja.

Lakum Salam

laugardagur, 15. mars 2008


Slítandi slumpandi sverandi.

Andskotans hvað ég vildi að ég væri aðeins stærri og kæmist pínu lengra inn í ramman. Þessi hvíti veggur vinnur alltaf!
Ég reyni að hlusta á Brahms – Hungarian Dance #5 til að pumpa mig upp og drekk mikið af vatni þegar tækifærið gefst en ekkert gerist! Ég held að það sé veðráttan hérna í vesturbænum. Kannski umferðin líka?
Hugsið ykkur ef ég ætti heima aðeins sunnar..
Ég ætla flytja til Portúgal, stækka slatta, rústa nokkrum hvítum veggjum þar, svona til að æfa mig, og svo koma heim og fokking stúta þessum.
Þetta er næstum því kynferðisleg þráhyggja hjá mér.
Að fylla ramman.

Hvað ætli að það þýði?

Pervert?

föstudagur, 29. febrúar 2008

Andrés Önd




Hér sit ég og hlusta á fólk kúka allan daginn. Eins gott að augun í mér séu orðin svona léleg og nefið ónýtt eftir slysið í baðinu 87. Núna hefur fólkið hérna ekkert brúk fyrir mig, hafa ekki hreyft við mér í nokkur ár.
Ætli að ég geti gengið?
Er ekki allt blóð í mér storknað?
Annars vantar bara börn á heimilið og þá yrði ég líklegast fylltur af sápu aftur. 1980-1993 var mitt tímabil, þannig að í raun og veru er ég rosalega staðnaður í aldri og er bara 13 ára þar sem ég hef ekki verið notaður síðan 93.

fimmtudagur, 31. janúar 2008




Snæ Snæ Snæ sagði durgurinn sem hætti allri vitleysu og djónaði Krossinn.


Þetta er auðvitað það allra besta sem ég hef gert, hreint út sagt fullkomið fyrir mann eins og mig. Vitleysan fór með mig þessi síðustu og hörðustu ár í bullinu. Ég meina ég er bara með 20% heyrn á vinstra eyra og 35% á því hægra. Og hverjum er það að kenna? Engum öðrum en sjálfum mér! En núna verður slakað verulega mikið á ruglinu og ég ætla að hugsa betur um sál mína og líkama. Annars heyrði ég það frá einum þarna í krossinum að maður þyrfti að borga slatta til að vera með.. Ætli að það sé satt?
Ef svo er þá djóna ég frekar einhvern bílaklúbbinn á nesinu. Nesið er fjandi nett. World Class, klassa einbýlishús, gott gervigras, ríkið, tombólur á Eiðistorgi og Hagkaup. Ég get líka pikkað upp gamla kassagítarinn, rifnu gallabuxurnar, ledderinn og tekið Partýbæ með HAM fyrir alla á Eiðistorginu. Rífa böskið upp á nýjar hæðir hér á drulluklakanum. Fæ Tjörva Tott til að djóna mig með keyboardið og þá erum við fyrst að tala um almennilegt bösk og 100% garanterað cash.

Nei.

Ætli að ég taki ekki bara sexuna frá lækjó upp á kross og kíkji í kaffi, kleinur og kökur og reyni að fá syndaflausn fyrir allt ruglið. Kannski að Gunnsi geti fixað eitthvað í eyrunum á mér, Jesús sjálfur hlustar jú á manninn. Ekkert grín. Gunnsi Cross the Ear fixer.

fimmtudagur, 17. janúar 2008

Hundur heimsins - Helvítis.



Hvers vegna finnst öðrum hundum sem eru á svipuðu róli og ég, fyrir utan það að ég er ekki á föstu fæði, það niðurlægjandi að leggja sig á götunni? Þá meina ég að sofa á götuni en ekki smá kúr við tærnar á eiganda sínum. Takmörkuð orka þýðir einfaldlega takmörkuð vegalengd á hverjum degi. Ég leggst bara niður til hvíldar þegar mér hentar, ekkert snobb. Sumir vorkenna mér en aðrir ekki, en ég held að það séu aðallega túristar sem setja upp vorkunar svip en gera svo ekkert í málinu.
Einn gáfaður félagi minn, sem komið hefur víða, kallaði þetta “hörmungar-túrisama”. Svaka gáfulegt en ætli að ég sé sammála honum. Kalla þetta samt frekar skítapakk.
Þegar ég lenti á götunni árið 2005, eftir að eigandi minn ákvað að systir mín væri fýsilegri kostur, helvítis tíkin, hef ég séð allar tegundir mannfólks. Allt frá vondum pöbbum, fimm ára börnum með enga siðferðiskennd(mínir verstu óvinir), dyraverði með valdafíkn, sem er jú afskaplega heimskulegt, og allt þar á milli.
Spáið aðeins í það sem er í gangi í kringum mig hérna núna.
Hér ligg ég, tíu tyggjóklessur fastar á mér. Ligg á skítugri gangstétt í steikjandi hita og engin tekur eftir mér. Ætli að einhver af þessum guðum sem flestir trúa á gætu breytt dyraverðinum sem sparkaði í mig, skítabarninu sem klíndi tyggjói á mig þegar ég hélt að ég fengi mat eða vonda pabbanum sem sló góða barnið sem ætlaði að gefa mér afganga í betra fólk?
Þarf maður kannski að vera ofsatrúaður til þess að einhver af þessum guðum hlusti á mann? Ég hef ekki hugmynd, kannski að þetta séu of harðar pælingar fyrir hund eins og mig, úthýstum vegna uppsleikjunar hæfileika systur minnar, útklíndum í tyggjói og pissar með rassinum á hverjum einasta degi með miklum erfiðleikum.

Helvítis.

föstudagur, 11. janúar 2008

Köttur nútímans og verndari bankakerlinga.



Það er í raun og veru fyndið að þetta fólk hérna fyrir neðan mig haldi að það sé stærra og merkilegara en ég. Ég get hoppað hæð mína tífalda, klórað, reyndar ekki klipið, en bitið fast og hlaupið hraðar en þessir durgar. Hvar væru þau líka án mín? Fyrir stuttu heyrði ég í nokkrum nýbökuðum mömmum á röltinu hérna niður götuna, týpískar bankakerlingar nýkomnar á fertugsaldurinn, talandi um hversu öruggt hverfið væri þrátt fyrir að þau væru svona miðsvæðis.
Ef þær bara vissu hver það væri sem passaði upp á að öll vitleysan nái ekki inn undir pilsin þeirra. Það er spurning hvort að ég yrði ennþá þessi litli sæti kisi sem fýlaði að láta klóra sér aðeins og klappa ef þær vissu hvað ég geri?
Það hefur svosem ýmislegt komið fyrir hérna á horninu. Sjoppan á horninu rænd, krakkaskítar að slást og smá fyllerí en í öll skiptin var ég fjarverandi vegna meiðsla í sambandi við aðrar hetjulegar dáðir. Auðvitað ætti ég að fá mér aðstoðarmann en það er fjandi erfitt að finna einhvern sem ég get treyst fyrir heiminum.
Stundum er þetta djobb samt helvíti leiðinlegt. Ég sit hérna uppi og horfi á kollana labba framhjá án þess að fólk taki eftir mér dögum saman. Það kemur samt fyrir að ég hoppi niður og fylgist aðeins með með þar en í raun og veru finnst mér neðri hlutinn af manneskjunni ekki jafn skemmtilegur og sá efri. Ég gæti auðveldlega talið upp fyrir ykkur tískur seinustu 10 ára eða svo, sérstaklega hinar og þessar bylgjur í hárbransanum, en ég sé ekki alveg pointið í því að greiða sér, mun betra að sleikja.